नेपालमा औलो उन्मुलनको क्रमसँगै पहाडी जिल्लाहरुबाट तराईतिर बसाईसराई बढ्दै जाँदा यस बर्दिया जिल्लामा पनि बस्ती विस्तार हुँदै गयो। गाँस र बाँसको व्यवस्थासँगै शिक्षा र स्वास्थ्यलाई आवश्यक आधार मान्दै स्थानीय समाजसेवी तथा शिक्षाप्रेमीहरुले विद्यालय स्थापनाको पहल गर्नुभयो।

पातलो बस्ती र न्यून विद्यार्थी संख्याका कारण वि.स. २०२७ साल भदौ महिनामा जनता प्राईमरी स्कुल मोतीपुर र पञ्चकोशी प्राईमरी स्कुल बकुवामा समाहित भई श्री जनज्योति प्राईमरी स्कुल बकुवा मोतीपुरको नामले विद्यालय अघि बढ्यो।

वि.स. २०२८ सालमा बघौराको बस्तीलाई यस क्षेत्रमा सारिएपछि ऐश्वर्य प्राईमरी स्कुल पनि यही विद्यालयमा एकीकृत हुन पुग्यो।